-
Work homepage
-
Overview
We can help you get ready to apply and find the right job for you. We can even help you while you're working.
-
Get ready to work
You can get training, help with CVs and cover letters, and advice for job interviews.
-
Find jobs
Find out what jobs are available, which job is best for you and how you can plan your career.
-
Working
Whether you've just started a job or need some help at work, we've got your back.
-
Lost your job
We'll help you get ready to find a new job and support you while you're between jobs.
-
Start your own business
Get help to plan and set up a successful business or be a self-employed contractor.
-
-
Benefits and payments homepage
-
Overview
Take a look at the range of benefits and payments we have available.
-
Not working
Redundancy, health condition or disability or another reason you can’t work
-
Living expenses
Food, school costs, power, accommodation or other living expenses you need help with
-
Relationship changes
You’ve had a relationship break-up, family breakdown or violent relationship end
-
Health and Disability
Counselling, prescription and GP costs, medical alarms and other costs we can help with
-
Seniors
Travelling overseas, how to apply, payment rates and dates, overseas pensions, income and other info for Seniors
-
Caring
Caring for someone else’s child or someone with a health condition, injury or disability
-
Urgent or unexpected costs
Dental, glasses, car repairs, fridge, washing machine, funeral or other urgent costs you need help with
-
Children
Childcare, school uniforms, stationery, having a baby and other costs if you have children
-
Moving to New Zealand
Payments you can get from us, settling into NZ, overseas pensions and more.
-
Benefits and forms
A-Z list of benefits, forms, benefit rates
-
-
On a benefit homepage
-
Overview
Check out what you need to do when you're getting a benefit or other payment from us.
-
Something's changed
Address, contact details, overseas travel, childcare, relationship or anything else that’s changed.
-
Income
Declare income and income deduction tables
-
Childcare
Change in your childcare situation, continue childcare payments, cohort entry schools and other childcare information
-
Going overseas
Travelling or moving overseas may affect your payments.
-
Re-apply, review or renew
Re-apply for a payment, review circumstances, renew medical certificate and more
-
Payments
Check or stop your payments, payment cards and other information
-
Debt
Check your debt, repayments and other debt information
-
Rights and responsibilities
Our commitment to you, obligations, complaints, benefit fraud and more
-
-
Housing homepage
-
Overview
Find out how we can help you with housing.
-
Nowhere to stay
Get help if you have nowhere to stay right now.
-
Find a house
Find out where to look for private housing, or apply for public (social) housing.
-
Living in your home
Get help with accommodation costs, and advice on any housing issues and public housing tenancies.
-
Moving house
Find out how we can help if you’re moving house.
-
Ngaahi liliu ki he founga ‘oku mau vakai‘i ‘aki ‘a e ngaahi totongi ki he nofo pootí
Mei he ‘aho 2 ‘o Ma‘asi 2026 ‘e ‘i ai ha ngaahi liliu ki he founga ‘oku mau sivisivi‘i ai ‘a e ngaahi totongi ki he nofo pootí (board payments) ‘okú ke ma‘u atú, kau ai ‘a e ngaahi tokoni fakapa‘anga ki he nofo‘angá (housing subsidy) mo e nofo‘anga fakapule‘angá (public social housing).
Fakamatala fakanounou ki he ngaahi liliú
Mei he ‘aho 2 ‘o Ma‘asi 2026, ‘e fakakau ‘a e ngaahi totongi nofo pooti kotoa pē ‘oku ke ma‘u atu ‘i he taimi ‘oku mau:
- fika‘i ai ‘a e lahi te ke lava ‘o ma‘u atu ke tokoni fakapa‘anga ki he nofo‘angá (hangē ko e Accommodation Supplement pe Temporary Additional Support), mo e
- fika‘i ‘a e lahi ‘o e totongi nofo te ke totongi ki he Income Related Rent (IRR) ‘i ha fale nofo‘anga fakapule‘angá.
‘I he lolotonga ní, ‘oku mau fakakau pē ‘a e ngaahi totongi ki he nofo pootí ‘okú ke ma‘u mei he kau nofo pooti ‘e toko 3 pe lahi ange (tukukehe kapau ko ho‘o tefito‘i ma‘u‘anga pa‘anga hū maí ia).
‘Oku ‘uhinga ‘a e liliu ko ‘ení ‘e ala si‘isi‘i ange ‘a e totongi te ke ma‘u atu ki he tokoni fakapa‘anga ki ho nofo‘angá, pe totongi lahi ange ki he Income Related Rent.
‘Oku mau liliu foki ‘a e founga ‘oku mau fika‘i ai ‘a e ngaahi totongi ki he nofo pootí ‘i he‘ene hoko ko e pa‘anga hū mai. ‘Oku ‘uhinga ‘eni ‘i he ngaahi tūkunga ‘e ni‘ihi ‘e lava ke lau ha konga ‘o ho‘o ngaahi totongi ki he nofo pootí ko e pa‘anga hū mai.
Ko e ngaahi totongi ki he nofo pootí ko ha:
- ngaahi totongi ia ki he nofo‘angá mo e me‘akaí, ‘a ia ‘oku ‘ikai faingofua ke fakamavahe‘i ai ‘a e me‘akaí mei he me‘a ‘okú ke totongí. ‘E toe lava foki ke kau ai ha ngaahi sēvesi kehe, hangē ko e ‘uhila, pe
- ngaahi totongi mei ha tokotaha ‘oku nofo ‘i ha fale nofo‘anga fakapule‘anga ‘oku ‘ikai ke ‘i he aleapau nofo totongí pea ‘oku ‘ikai ko e hoa pe ki‘i leka ‘oku nofo fakafalala ‘a e tokotaha nofo totongí.
‘Oku mau tānaki ‘a e fakamatala ki he totongi nofo pootí mei ‘Aokosi 2025. ‘Oku ‘uhinga ‘eni ke mau ma‘u ‘a e fakamatala ‘oku mau fiema‘u ke totongi totonu ‘aki ‘a e kakaí mei he ‘aho 2 ‘o Ma‘asi 2026.
Ko hono tānaki ‘o e fakamatala ki he totongi nofo pootí
Mei ‘Aokosi 2025, te mau ‘oatu ha ‘imeili pe tohi ki ha ni‘ihi ‘oku nau ma‘u atu ha tokoni fakapa‘anga ki he nofo‘angá meiate kimautolu pe nofo ‘i ha fale nofo‘anga fakapule‘anga.
‘Oku kau ‘i he ngaahi tokoni fakapa‘anga ki he nofo‘angá ‘a e:
- Accommodation Supplement (Fakalahi ‘o e Tokoni ki he Nofo‘angá)
- Temporary Additional Support (Tokoni Fakalahi Fakataimi)
- Special Benefit (Penefiti Makehe)
- Accommodation Benefit ma‘á e fānau ako ‘a ia ‘oku hoko ko ha mātu‘a ‘oku nau tauhi tokotaha ki ha fānau (sole parents), mo e
- Away from Home Allowance (Tokoni Fakapa‘anga ki he Mama‘o mei ‘Apí).
Kapau ‘okú ke ma‘u atu ha ngaahi totongi nofo pooti, te ke lava ‘o fakahā mai ‘eni kiate kimautolu ‘i he ‘initanetí ‘o fakafou ‘i he MyMSD pe ko ha‘o fakafonu ha foomu pepa.
Fakamatala te mau tānakí
Te mau ‘eke atu ho:
- hingoá mo e tu‘asilá
- fakamatala fekau‘aki mo e ngaahi fakamole ki he nofo‘angá
- hingoa ‘o e tokotaha nofo pootí
- ‘aho fā‘ele‘i ‘o e tokotaha nofo pootí, kapau ‘oku ‘ilo‘i
- fakaikiiki ki he fetu‘utakí ‘o e tokotaha nofo pootí, mo e
- lahi ‘o e totongi ki he nofo pootí.
Fakamatala te mau tauhi fekau‘aki mo e kau nofo pootí ka ‘oku ‘ikai ko ‘emau kau kasitomaá
Kapau ‘oku ‘ikai ko ‘emau kasitomā ‘a ho‘o tokotaha nofo pootí, te mau tauhi pē ha fakamatala si‘isi‘i fekau‘aki mo kinautolu. Te mau tauhi honau hingoa ‘uluakí, ‘uluaki mata‘itohi ‘o honau hingoa fakaikú mo e lahi ‘o e pooti ‘oku nau totongí.
‘E faingofua ange heni kiate koe ke ke ‘omai ‘a e fakamatala fakamuimui tahá kiate kimautolu pe ko hai ‘oku nofo ‘i ho ‘apí pea mo e ngaahi totongi pooti ‘okú ke ma‘u atú.
Te mau vakai‘i pe ‘oku fenāpasi ‘a e lahi ‘o e ngaahi totongi pootí
Kapau ‘oku toe ma‘u atu ‘e ho‘o tokotaha nofo pootí ha tokoni fakapa‘anga ki he nofo‘angá, te mau vakai‘i pe ‘oku tatau ‘a e mahu‘inga ‘o e pooti ‘okú ke fakahaa‘í mo ia ‘oku talamai ‘e ho‘o tokotaha nofo pootí ‘okú ne totongí.
Kapau ‘oku ‘ikai tatau ‘a e ongo mahu‘ingá, te mau ala fetu‘utaki atu kiate koe mo e tokotaha nofo pootí ke fakapapau‘i ‘a e lahi totonu ‘o e pa‘angá.
Kapau ‘okú ke totongi pooti pea ko e mahu‘inga ‘o e pooti kuó ke talamai kiate kimautolu ‘okú ke totongí ‘oku makatu‘unga ‘i he fakafehoanaki kuo mau fakahokó, ‘e ala uesia ai ‘a e tokoni fakapa‘anga ki ho‘o nofo‘angá.
Te mau fakahā atu pe ko e hā ho‘o ngaahi totongí ‘i he konga kimu‘a ‘o e ta‘u kaha‘ú
Kapau ‘okú ke ma‘u atu ha ngaahi totongi pooti, te mau vakai‘i ho‘o ngaahi totongí pea mo fakahā atu ke ke ‘ilo ‘i Sanuali/Fepueli 2026 pe ko e hā ho‘o tu‘unga totongi fo‘oú (kapau ‘oku liliu).
‘E ‘ikai liliu ho‘o ngaahi totongí kae ‘oua kuo a‘u ki Ma‘asi 2026.
Te mau fakohoko ha ngaahi liliu ki he ngaahi totongí mei Ma‘asi 2026
Kapau ‘oku ke ma‘u ha ngaahi totongi pooti:
- ‘e lava ke si‘isi‘i ange ho‘o totongi ki ho‘o tokoni fakapa‘anga ki he nofo‘angá. Kapau ko ia, ‘e kamata ngāue‘aki ‘eni mei he ‘aho 2 ‘o Ma‘asi 2026.
- te ke ala totongi ‘o lahi ange ‘a e Income Related Rent. Kapau ko ia, ‘e kamata ngāue ‘eni hili ‘a e ‘aho 2 ‘o Ma‘asi 2026, mei hono vakai‘i fakata‘u ka hoko ‘o ho‘o totongi nofó pe ko e taimi ‘e hoko ai ha liliu ki ho tūkungá.
Ko e ‘uhinga ‘oku mau fakahoko ai ‘a e ngaahi liliu ko ‘ení
Na‘e fanongonongo ‘a e liliu ko ‘ení ko e konga ‘o e Patiseti 2024. ‘Okú ne fakasi‘isi‘i ‘a e faingamālie ke totongi ‘e he MSD ‘a e fakamole tatau ki he nofo‘angá ‘o laka hake ‘i he tu‘o tahá. ‘A ia, ‘oku fakatou ma‘u ai ‘e he tokotaha nofo totongí (pe tokotaha ‘oku ‘a‘ana ‘a e ‘apí) mo e tokotaha nofo pootí ha tokoni fakapa‘anga ki he nofo‘angá ki he ngaahi fakamole tatau ‘o e nofo‘angá.
‘Oku toe fakataumu‘a foki ke fakalelei‘i ‘a e tō kehekehe ‘i he fakafeangai kiate kinautolu ‘oku nofo totongí (renters) mo e kau nofo pootí (boarders) ‘i he taimi ‘oku mau fika‘i ai ‘a e lahi ‘o e pa‘anga te ke lava ‘o ma‘u ki he ngaahi tokoni fakapa‘anga ki he nofo‘angá pea mo e lahi ‘o ho‘o totongi nofó (rent) kapau ‘okú ke nofo ‘i ha nofo‘anga fakapule‘anga.
Fakaikiiki ‘o e ngaahi liliu ko ‘ení
Na‘e fanongonongo ‘a e liliu ko ‘ení ko e konga ‘o e Patiseti 2024. ‘Okú ne fakasi‘isi‘i ‘a e faingamālie ke totongi ‘e he MSD ‘a e fakamole tatau ki he nofo‘angá ‘o laka hake ‘i he tu‘o tahá. ‘A ia, ‘oku fakatou ma‘u ai ‘e he tokotaha nofo totongí (pe tokotaha ‘oku ‘a‘ana ‘a e ‘apí) mo e tokotaha nofo pootí ha tokoni fakapa‘anga ki he nofo‘angá ki he ngaahi fakamole tatau ‘o e nofo‘angá.
‘Oku toe fakataumu‘a foki ke fakalelei‘i ‘a e tō kehekehe ‘i he fakafeangai kiate kinautolu ‘oku nofo totongí (renters) mo e kau nofo pootí (boarders) ‘i he taimi ‘oku mau fika‘i ai ‘a e lahi ‘o e pa‘anga te ke lava ‘o ma‘u ki he ngaahi tokoni fakapa‘anga ki he nofo‘angá pea mo e lahi ‘o ho‘o totongi nofó (rent) kapau ‘okú ke nofo ‘i ha nofo‘anga fakapule‘anga.
Fakaikiiki ‘o e ngaahi liliu ko ‘ení
Fili ‘a e ‘ulu‘i tohi ‘oku fekau‘aki atú ‘i lalo ke ‘ilo‘i ‘a e fakaikiiki ‘o e ngaahi liliú.
Ngaahi tokoni fakapa‘anga ki he nofo‘angá
‘I he taimi ‘oku mau fika‘i ai ‘a e ngaahi tokoni fakapa‘anga ki he nofo‘angá, ko e taha ‘o e ngaahi me‘a ‘oku mau vakai‘í pe ‘okú ke ma‘u ha fa‘ahinga totongi pooti.
‘I he lolotonga ní, ‘oku mau fakakau pē ‘a e ngaahi totongi ki he nofo pootí ‘okú ke ma‘u mei he kau nofo pooti ‘e toko 3 pe lahi ange (tukukehe kapau ko ho‘o tefito‘i ma‘u‘anga pa‘anga hū maí ia).
Mei he ‘aho 2 Ma‘asi 2026, te mau fakakau ai ‘a e 62% ‘o e ngaahi totongi kotoa ki he pootí ‘i hono fika‘í (ko e 38% kehé ‘oku ‘ikai fakakau ia he ‘oku mau vakai ki ai ‘oku kaunga ia ki he me‘akaí mo e ngaahi ngāue kehé). ‘Oku ‘uhinga ‘eni ‘e lava ke si‘isi‘i ange ho‘o tokoni fakapa‘anga ki he nofo‘angá, he ‘oku mau ‘ilo‘i ko e ngaahi totongi kotoa ki he pootí ‘oku nau fakakau ha ni‘ihi ‘o e ngaahi fakamole ki ho nofo‘angá.
‘Oku kau ‘i he ngaahi tokoni fakapa‘anga ki he nofo‘angá ‘a e:
- Accommodation Supplement (Fakalahi ‘o e Tokoni ki he Nofo‘angá)
- Temporary Additional Support (Tokoni Fakalahi Fakataimi)
- Special Benefit (Penefiti Makehe)
- Accommodation Benefit ma‘á e fānau ako ‘a ia ‘oku hoko ko ha mātu‘a ‘oku nau tauhi tokotaha ki ha fānau (sole parents), mo e
- Away from Home Allowance (Tokoni Fakapa‘anga ki he Mama‘o mei ‘Apí).
Hangē ko ‘ení
‘Oku totongi ‘e Kingi ‘a e $600 he uike ‘i he totongi nofó. ‘Oku ‘i ai ‘ene kau nofo pooti ‘e toko 2 ‘oku na totongi ki ai ‘a e $150 mo e $200 he uike.
‘I he lolotonga ní, ‘e ‘ikai ke mau fakakau ‘a e ‘uluaki totongi pooti ‘e 2 ‘i he taimi ‘oku vakai‘i ai ‘ene ngaahi fakamole ki he nofo‘anga. ‘Oku ‘uhinga ‘eni te ne totongi ‘a e $600 ko e fakamole ki he nofo‘angá.
Mei he ‘aho 2 ‘o Ma‘asi 2026, te mau fakakaukau‘i ‘a e ngaahi totongi pooti kotoa pē.
- Te mau tānaki fakataha kotoa ‘a e ngaahi totongi pootí ($150 + $200 = $350).
- Te mau fika‘i ‘a e 62% ‘o e totongi pootí kotoa, ‘a ia ko e $217.
- Te mau holoki ‘a e ngaahi fakamole ki he nofo‘angá ‘aki ‘a e mahu‘inga ko iá ($600 kole mei ai ‘a e $217 ‘oku toenga ai ‘a e $383).
- ‘E totongi ‘e Kingi ‘a e $383 he uike ko e ngaahi fakamole ki he nofo‘angá.
- Koe‘uhi kuo holoki ‘a e ngaahi fakamole ‘a Kingi ki he nofo‘angá mei he $600 ki he $383, ‘e lava ke si‘isi‘i ange ‘a e tokoni fakapa‘anga ki he nofo‘angá te ne ma‘u atú.
Fika‘i ‘o e Income Related Rent (Fakafekau‘aki ‘o e Totongi Nofó mo e Pa‘anga Hū Maí)
Ke fika‘i ho‘o Income Related Rent (IRR), ‘oku mau fika‘i ‘a e pa‘anga hū mai fakauike ki he kotoa ‘o e kau nofo ‘i ho ‘apí (household income). ‘I he lolotonga ní, ‘oku mau lau pē ‘a e ngaahi totongi nofo pootí ko ha pa‘anga hū mai ‘i he taimi ‘oku:
- hoko ai ‘eni ko ho‘o tefito‘i ma‘u‘anga pa‘anga hū maí ia (‘oku mau faka‘aonga‘i ‘a e lahi fakakātoa ‘o e pa‘anga ‘okú ke ma‘u ‘i he uike takitaha ko ho‘o pa‘anga hū mai fakauiké ia), pe
- ‘okú ke ma‘u ha pa‘anga mei ha kau nofo pooti ‘e toko 3 pe lahi ange (‘oku ‘ikai ke mau fakakau ‘a e totongi pooti mā‘olunga taha ‘e 2 pea faka‘aonga‘i pē ‘a e 62% ko e tānaki ia ki ho‘o pa‘anga hū mai fakauiké kotoa ia).
Ko hono fika‘i ho‘o totongi nofó (https://www.workandincome.govt.nz/housing/live-in-home/live-in-public-housing/calculating-rent-payments.html)
Mei he ‘aho 2 ‘o Ma‘asi 2026, te mau fakakau ai ‘a e 62% ‘o e ngaahi totongi pooti kotoa pē ‘okú ke ma‘u atu pea tānaki atu ‘eni ‘i he taimi ‘okú ke fika‘i ai ‘a e lahi ‘o e IRR ‘oku fiema‘u ke ke totongí. ‘Oku ‘uhinga ‘eni ‘e ala lahi ange ho‘o totongi ‘a e IRR.
Kapau ‘oku lahi ange ‘a e mahu‘inga ‘o e IRR ‘oku mau fika‘i ma‘a ú ‘i he mahu‘inga totonu ‘o e totongi nofó ‘i he māketí, te ke totongi pē ‘a e mahu‘inga ki he totongi nofo ‘i he māketí.
Ka ‘i ai ha ngaahi liliu ki ho‘o Income Related Rent ‘e fakahoko ia ‘i he ‘aho 2 ‘o Ma‘asi 2026, mei:
- hono vakai‘i fakata‘u hono hoko ‘o ho‘o totongi nofó, pe
- he taimi ‘oku liliu ai ho tūkungá.
Fakatātā mei he ‘aho 2 ‘o Ma‘asi 2026
‘Oku nofo ‘a Vanessa ‘i ha fale nofo‘anga fakapule‘anga pea ‘okú ne totongi ‘a e IRR ko e $400 he uike. ‘Oku ‘i ai ‘ene ongo nofo pooti ‘e toko 2 ‘okú na totongi ki ai ‘a e $150 mo e $250 he uike.
Ko ia ai mei he ‘aho 2 ‘o Ma‘asi 2026 te mau:
- tānaki fakataha kotoa ‘a e ngaahi totongi pootí ($150 + $250 = $400), pea
- fika‘i ‘a e 62% ‘o e totongi pootí kotoa, ‘a ia ko e $248.
Te mau tānaki atu leva ‘a e mahu‘inga ko ‘ení ki hono fika‘i ‘o ‘ene Income Related Rent. ‘Oku ‘uhinga ‘eni ‘e hiki ‘ene IRR mei he $400 ki he $648.
Kapau ‘oku lahi ange ‘a e totongi IRR ‘i he mahu‘inga totonu ‘o e totongi nofo ‘i he māketí, te ne totongi pē ‘a e mahu‘inga ki he totongi nofo ‘i he māketí.
‘I he taimi ‘oku fakakau ai ho‘o ngaahi totongi pootí ki he pa‘anga hū maí
‘Oku ‘i ai e taimi ‘e ni‘ihi ‘e ala lau ai ha ni‘ihi ‘o e totongi pooti ‘okú ke ma‘u atú ko e pa‘anga hū mai ki he lahi taha ‘o e ngaahi totongi ‘okú ke ma‘u atu meiate kimautolú.
‘E malava pē ko e 62% ‘o e mahu‘inga fakakātoa ‘o e totongi pooti ‘okú ke ma‘u atú ‘oku lahi ange ia ‘i ho‘o ngaahi fakamole ki he nofo‘angá. Kapau ko ia, ‘e lau ‘a e mahu‘inga ‘oku hulu ‘akí ko e pa‘anga hū mai ‘i he lahi taha ‘o e ngaahi totongi ‘okú ke ma‘u atu meiate kimautolú, tukukehe kapau ‘okú ke nofo ‘i ha fale nofo‘anga fakapule‘anga.
Kapau ‘okú ke nofo ‘i ha fale nofo‘anga fakapule‘anga, ‘oku mau vakai‘i pe ‘oku lahi ange ‘a e 62% ‘o e lahi fakakātoa ‘o e totongi pooti ‘okú ke ma‘u atú ‘i he mahu‘inga ‘o e totongi nofo ‘i he māketí. Kapau ko ia, ‘e lau ‘a e mahu‘inga ‘oku hulu ‘akí ko e pa‘anga hū mai ‘i he lahi taha ‘o e ngaahi totongi ‘okú ke ma‘u atu meiate kimautolú.
Hangē ko ‘ení - ‘ikai ke nofo ‘i he fale nofo‘anga fakapule‘angá
Ko e ngaahi fakamole ki ho‘o nofo‘anga ko e $300 he uike. ‘Oku ‘i ai ho‘o kau nofo pooti ‘e toko 2 peá ke ma‘u atu ai ‘a e totongi pooti fakakātoa ko e $600 he uike. Ko e 62% ‘o e totongi fakakātoa ‘okú ke ma‘u atú ko e $372. Ko e mahu‘inga ‘oku hulu ‘akí ko e $72.
‘Oku ‘uhinga ‘eni ko e $72 ‘oku lau ia ko e pa‘anga hū mai ‘i he lahi taha ‘o e ngaahi totongi ‘okú ke ma‘u atu meiate kimautolú.
Hangē ko ‘ení - nofo ‘i he fale nofo‘anga fakapule‘angá
‘Okú ke nofo ‘i ha fale nofo‘anga fakapule‘anga pea ko e totongi nofo ‘i he māketí ki ho ‘api ko e $500 he uike. ‘Oku ‘i ai ho‘o kau nofo pooti ‘e toko 3 peá ke ma‘u atu ai ‘a e totongi pooti fakakātoa ko e $900 he uike. Ko e 62% ‘o e totongi fakakātoa ‘okú ke ma‘u atú ko e $558. Ko e mahu‘inga ‘oku hulu ‘akí ko e $58.
‘Oku ‘uhinga ‘eni ko e $58 ‘oku lau ia ko e pa‘anga hū mai ‘i he lahi taha ‘o e ngaahi totongi ‘okú ke ma‘u atu meiate kimautolú.