Faiga fou o le a matou iloiloina ai tupe totogi mo potu mautotogi

Aotelega o suiga

E amata mai le aso 2 Mati 2026, le aofia o tupe uma na totogi atu mo potu mautotogi pe a matou faia se:

• vaevaega o fesoasoani tupe mo fale e mafai na e maua (e pei o le Accommodation Supplement po o le Temporary Additional Support), ma le
• vaevaega o lau tupe e totogi mo se fale mautotogi e fua i le faiga Income Related Rent (IRR) mo se fale a le malo.

O le faiga o lo o faia i le taimi nei, na o tupe o totogi e se toatolu pe toatele atu mo potu mautotogi o aofia ai (se‘i vagana pe afai o alagaoa autu nei mo au tupe maua).

E lua lava tulaga e oo i ai, e te maua se fesoasoani tupe laitiiti mo le fale, po o le telē o le Income Related Rent e totogi.

Ua matou suia foi le faiga e fua i ai tupe totogi mo potu mautotogi e faitau o tupe maua. O lona uiga e iai tulaga e ono aofia ai i au tupe maua se vaega o tupe totogi mo potu mautotogi.

E aofia i tupe totogi mo potu mautotogi:

• tupe totogi mo se apitaga ma meaai, pe a lē faigofie na tuuesea meaai mai le tupe e te totogia. E aofia ai foi ma isi mea o faaaoga e pei o le eletise, po o
• tupe o totogi atu e se isi o nofo i se fale a le malo ae lē o tusia lona igoa i le maliega mautotogi ma e lē o ia foi o le toalua o le tagata mautotogi po o se tamaitiiti o tausi e le tagata mautotogi.

E amata ia Aokuso 2025 na matou aoina mai faamatalaga o tupe totogi mo potu mautotogi. O se tulaga e tatau na fai e mautinoa ai le maua o faamatalaga o matou moomia ina ia sa‘o tupe o totogi e tagata mai le aso 2 Mati 2026.

Aoina mai o faamatalaga o tupe totogi mo potu mautotogi

E amata ia Aokuso 2025, na matou imeli atu pe lafo atu se tusi i ē o maua fesoasoani tupe mo fale po o le nonofo ai i fale a le malo.

O fesoasoani tupe mo fale e aofia ai:

• Accommodation Supplement
• Temporary Additional Support
• Special Benefit
• Accommodation Benefit mo ē o aooga o tausi toatasi le fanau, ma le
• Away from Home Allowance.

E mafai na e faaaoga le faiga faainitaneti MyMSD po o le pepa faatumu e lafo mai, pe afai o e maua tupe totogi mo potu mautotogi.

Faamatalaga o le a aoina mai

E talosagaina le faailoa mai o lou:

• igoa ma le tuatusi
• faamatalaga tau tupe mo le fale
• igoa o le tagata o nofo i se potu mautotogi
• aso fanau o le tagata o nofo i se potu mautotogi, pe a iloa
• faamatalaga tau fesootaiga mo le tagata o nofo i se potu mautotogi, ma le
• aofaiga o totogi e le tagata o nofo i se potu mautotogi.

Faamatalaga o le a matou taofia e patino i tagata o nonofo i potu mautotogi ae lē o ni sui lesitala a le matagaluega

Afai e lē o se tasi o a matou sui lesitala le tagata o nofo i se potu mautotogi, na matou taofia lea na o nai faamatalaga e patino i ai. Matou te faamauina lona igoa muamua, le mataitusi muamua o lona faaiu ma le aofaiga o ia totogi mo se potu mautotogi.

O se faiga e faafaigofie ai na e lipotia mai tagata o tou nonofo faatasi ma le aofaiga o totogi atu mo se potu mautotogi.

Na matou siaki lea pe o tutusa tupe o totogi atu mo se potu mautotogi

Afai o matou totogi atu i le tagata o nofo i se potu mautotogi se fesoasoani tupe mo le fale, na matou faatusa lea o le aofaiga o totogi atu na e faailoa ma le aofaiga na ta‘u mai e le tagata o nofo i le potu mautotogi.

Afai e lē o tutusa aofaiga nei, ona toe faafesootai atu lea o oulua uma mo se faasa‘oga.

A faapea o totogi se potu o e nofo mautotogi ai ma ua sui le aofaiga e te totogia talu mai le faatusatusaga na matou faia, o lona uiga e ono afaina le fesoasoani tupe e te maua mo le fale.

O le amataga o le tausaga fou e faailoa atu ai le aofaiga o lau tupe e totogi

A e maua se tupe e totogi atu mo se potu mautotogi, ona matou iloilo lea o au tupe totogi ma faailoa atu i se vaitaimi o Ianuari/Fepuari 2026 le aofaiga fou e totogi (pe afai ua sui).

E leai se suiga i au tupe totogi seia aulia Mati 2026.

E amata aloaia suiga i tupe totogi mai ia Mati 2026

Afai o e maua se tupe o totogi atu mo se potu mautotogi:

• e ono laitiiti se fesoasoani tupe mo fale e te maua. Afai o se tulaga lena o le a i ai, e amata aloaia le suiga lea i le aso 2 Mati 2026.
• e ono telē foi le Income Related Rent e te totogia. Afai o se tulaga lena o le a i ai, e amata aloaia le suiga lea pe a tuanai le aso 2 Mati 2026, e mafai na amata i le aso na toe iloilo ai lau mautotogi faaletausaga po o le vaitaimi tonu na suia ai tulaga o feagai ma oe.

Mafuaaga ua matou faia ai nei suiga

O le suiga lea na faasilasila i le Tala o le Tupe 2024. E tuuitiitia ai le faaluaina na totogi e le MSD o le fesoasoani tau tupe mo le apitaga lava e tasi. O tulaga ua totogi atu ai i le tagata mautotogi (po o le tagata e ona le fale) ma le tagata o mautotogi i se potu, se fesoasoani tupe mo le fale lava e tasi.

O se faiga foi e tali atu ai i le lē ogatusa o faiga o fai ai tagata mautotogi ma tagata o nofo totogi i se potu pe a matou faia se vaevaega e iloa ai le aofaiga o fesoasoani tupe mo le fale e te maua ma le aofaiga mautotogi e te totogia pe afai o e nofo i se fale a le malo.

Auiliiliga o suiga nei

Filifili le ulutala talafeagai i lalo ifo e maua ai faamatalaga auiliili o suiga ua fuafuaina.

Fesoasoani tupe mo fale

O le tasi o itu e fua i ai la matou iloiloga mo fesoasoani tupe mo fale, le faamautinoa pe o e maua se tupe totogi mo se potu mautotogi.

O le faiga o lo o faia i le taimi nei, na o tupe o totogi e se toatolu pe toatele atu mo potu mautotogi o aofia i se vaevaega (se‘i vagana pe afai o alagaoa autu nei mo au tupe maua).

E amata mai le aso 2 Mati 2026, na matou tau aofia le 62% o tupe totogi uma mo se potu mautotogi i se vaevaega (e lē o aofia ai le 38% ua fuafuaina mo meaai ma isi mea o faaaoga o le fale). O lona uiga e ono laitiiti se fesoasoani tupe mo fale e te maua, talu ai se manatu ua lava ma totoe tupe o totogi atu mo se potu mautotogi e faatupe ai le nonofo i le fale.

O fesoasoani tupe mo fale e aofia ai:

• Accommodation Supplement
• Temporary Additional Support
• Special Benefit
• Accommodation Benefit mo ē o aooga o tausi toatasi le fanau, ma le
• Away from Home Allowance.

Mo se faataitaiga

E $600 le mautotogi e totogi i le vaiaso e Kingi. E maua lana $150 ma le $200 i le vaiaso mai tagata toalua o nonofo i isi potu o le fale.

I le taimi nei, e lē o aofia uluai tupe totogi e 2 mo potu mautotogi pe a iloilo se tupe mo apitaga na te maua. O lona uiga na te totogia le $600 mo le fale.

E amata mai le aso 2 Mati 2026, o le a aofia tupe totogi uma mo se potu mautotogi.

• O le a matou faaopoopo faatasi tupe uma o totogi mo se potu mautotogi ($150 + $200 = $350).
• Na vaevae mai lea o le 62% o le aofaiga atoa o tupe totogi mo potu mautotogi, e maua ai le $217.
• O le aofaiga lena e toesea mai tupe mo le apitaga ($600 toese le $217 totoe ai le $383).
• O le a totogi e Kingi le $383 i le vaiaso mo le fale.
• Talu ai ua tuuitiitia le tupe e totogi e Kingi mai le $600 i le $383, e ono laitiiti foi se fesoasoani tupe mo le fale na te maua.

Vaevaega o le Income Related Rent

E fua le vaevaega o lau Income Related Rent (IRR), i le tupe maua faalevaiaso mo tagata o tou nonofo faatasi. I le taimi nei, faatoa faitaulia tupe totogi mo potu mautotogi o au tupe maua pe:

• afai o se alagaoa autu lea mo au tupe maua (o le aofaiga atoa e te maua i vaiaso taitasi e faitau o lau tupe maua faalevaiaso), po o le
• maua o lau tupe mai le toatolu pe toatele atu nisi o nonofo mautotogi i potu o le fale (matou te lē tau aofia ai aofaiga tetele e 2 o tupe totogi mo potu ae faaaoga na o le 62% e fua i ai le aofaiga o lau tupe maua faalevaiaso).

Vaevaega o lau tupe totogi mautotogi

E amata mai le aso 2 Mati 2026, na matou tau aofia le 62% mo tupe totogi uma mo potu mautotogi o e maua ma faaopoopo le aofaiga lea i le vaevaega o le IRR e tatau na e totogia. O lona uiga e ono telē atu le IRR e te totogia.

A uma ifo se vaevaega e telē atu le aofaiga o le IRR e te totogia faatusa i mautotogi faatulagaina i le maketi, ona e totogia lea na o le aofaiga o faatulagaina i le maketi.

O isi suiga i lau Income Related Rent o le a aloaia pe a tuanai le aso 2 Mati 2026, e mafai na amata mai i le:

• isi iloiloga faaletausaga mo lau mautotogi, po o le
• vaitaimi tonu ua suia ai tulaga o feagai ma oe.

Faataitaiga mai le aso 2 Mati 2026

E nofo Vanessa i le fale a le malo ma e totogi le IRR e $400 i le vaiaso. E maua lana $150 ma le $250 i vaiaso taitasi mai tagata toalua o nonofo mautotogi i isi potu o le fale.

E amata mai le aso 2 Mati 2026 ona matou faia tulaga nei:

• faaopoopo faatasi tupe uma o totogi mo se potu ($150 + $250 = $400), ma
• vaevae le 62% o le aofaiga atoa o tupe totogi mo potu mautotogi, e maua ai le $248.

E faaopoopo le aofaiga lea i le vaevaega e maua ai lana Income Related Rent. O lona uiga o le a sii le IRR na te totogia mai le $400 i le $648.

Afai e telē atu le aofaiga o le IRR e faatusa i mautotogi faatulagaina i le maketi, ona totogi lea e Vanessa na o le aofaiga o faatulagaina i le maketi.

Tulaga e taulia ai tupe totogi mo se potu mautotogi ma au tupe maua

E iai tulaga e ono aofia ai se vaega o tupe totogi mo potu mautotogi ma au tupe maua mo le tele o tupe o matou totogi atu.

Atonu e telē atu le 62% o le aofaiga o tupe mai potu mautotogi o e maua pe a faatusa i tupe o totogi atu mo le fale. Afai o lea, na faaaoga lea o le faasiliga e fai ma au tupe maua mo le tele o tupe o matou totogi atu, se‘i vagana o e nofo i se fale a le malo.

Afai e te nofo i se fale a le malo, na matou iloilo lea pe faamata o le 62% o le aofaiga atoa o tupe totogi mo se potu mautotogi o e maua e telē atu i le tupe e totogi mo fale i le maketi. Afai o lea, na faaaoga lea o le faasiliga e fai ma au tupe maua mo le tele o tupe o matou totogi atu.

Mo se faataitaiga - e te lē nofo i se fale a le malo

E te maua se tupe mo apitaga e $300 i le vaiaso. E toalua tagata o nonofo mautotogi i potu o le fale e maua ai le $600 i le vaiaso. O le 62% o le aofaiga atoa mo potu mautotogi e te maua e $372. O le faasiliga e $72.

O lona uiga e aofia le $72 i au tupe maua mo le tele o tupe o matou totogi atu.

Mo se faataitaiga - e te nofo i se fale a le malo

E te nofo i se fale a le malo ma o le faatusatusaga i le tau e totogi i le maketi mo lou fale mautotogi e $500 i le vaiaso. E toatolu tagata o nonofo mautotogi i potu o le fale e maua ai le $900 i le vaiaso. O le 62% o le aofaiga atoa mo potu mautotogi e te maua e $558. O le faasiliga e $58.

O lona uiga e aofia le $58 i au tupe maua mo le tele o tupe o matou totogi atu.