Te au tauī‘anga no runga i ta mātou vāito‘anga i te tutaki‘anga i te moni tāra‘u (board payments)

Te ‘akako‘uko‘u‘anga o te au tauī‘anga

Mei te ra 2 o Māti, i te mata‘iti 2026, tei roto i te au tutaki‘anga board, te ka tukuna‘ia atu, me oti‘ia mātou i te:

• kimikimi i te tutaki te ka rauka iā koe no te housing subsidies (teia te ‘ākara‘anga Accommodation Supplement, me kore ra, Temporary Additional Support), e te
• kimikimi i ta‘au ka tutaki no te tāra‘u, no te Income Related Rent (IRR) i roto i teta‘i public housing property.

I teia ‘ati‘anga, e tāru anake ana mātou i te board payments, mei ko i teta‘i 3, me kore ra, e tere atu te tārē‘anga boarders (māri ‘ua, me ko ta‘au anake ia moni-‘anga‘anga).

Ko te ‘āite‘anga i teia i reira, ka topa mai pa‘a te ka tutaki‘ia atu no to‘ou housing subsidy, me kore ra, ka ma‘ata atu te tutaki no te Income Related Rent.

Te tauī katoa nei mātou, i te rāvenga kimikimi‘anga no runga i te ‘akariro‘anga i te au board payments, e moni-‘anga‘anga. Ko te ‘āite‘anga i teia i reira, i raro ake i teta‘i au turanga, ka tārē‘ia pa‘a teta‘i o ta‘au board payments, ei moni-‘anga‘anga.

‘Ē ‘ākara‘ia ana te au board payments ei:

• tutaki no te ngā‘i no‘o‘anga (accommodation), e te kai, kāre te kai i ‘akaātea‘ia mei roto i ta‘au ka tutaki. Ka rauka katoa i roto i teia, teta‘i atu au turanga, teia te ‘ākara‘anga, te uira, me kore ra,
• te au tutaki‘anga mei ko i teta‘i tangata te no‘o ra ki roto i te public housing, kāre i runga i te tenancy agreement, e kāre i te tokorua no te tenant, me kore ra, i te tamaiti.

Te ko‘iko‘i nei mātou i te au ‘akakitekite‘anga, no runga i te board payment, mei roto i te marama ‘Aukute, i te mata‘iti 2025. Te rave‘ia nei teia, kia rauka te ‘akakitekite‘anga, e anoano nei mātou, kia tano te tutaki, mei te ra 2 o Māti, i te mata‘iti 2026.

Te ko‘iko‘i‘anga i te ‘akakitekite‘anga no runga i te board payment

Mei te marama ‘Aukute, i te mata‘iti 2025, ka tuku atu mātou i teta‘i mēre uira, me kore ra, reta, ki teta‘i aronga te ko‘i ra i teta‘i housing subsidy mei kōnei ‘ia mātou, me kore ra, te no‘o ra ki roto i  te public housing. 

Tei roto i te housing subsidies te: 

• Accommodation Supplement
• Temporary Additional Support
• Special Benefit
• Accommodation Benefit no te au tauira e metua anake nei (sole parents), e te
• Away from Home Allowance.

Me te tutaki‘ia nei koe ki teta‘i board payments, ka rauka iā koe i te ‘akakite mai kia mātou, no runga i teia, na roto i te ‘ātuitui roro uira a te MyMSD, me kore ra, na roto i te ‘akaki‘anga i teta‘i pēpa.

Te ‘akakitekite‘anga ka ko‘iko‘i mātou

Ka pati atu mātou, no to‘ou:

• ingoa, e te ngā‘i no‘o
• te tutaki no to‘ou ngā‘i no‘o
• te ingoa o te boarder
• te ra ‘ānau‘anga o te boarder me kua kite koe
• te au ‘ākakitekite‘anga no te ‘ārāvei‘anga i te boarder, e te
• tutaki no te board payment.

Te ‘akakitekite‘anga no runga i te au boarders, kāre e tutaki mai ana ‘ia mātou

Me kāre ta‘au boarder i te tangata tutaki‘ia mātou, ka mou anake mātou i te ‘akakitekite‘anga iti rava atu no runga ‘ia rātou. Ka mou mātou i to rātou ingoa mua, e te reta mua o to rātou ingoa kōpu tangata, e te moni tāra‘u, te tutaki ra rātou.

Ka ma‘ani teia i reira, kia māmā ake iā koe, i te ‘aka‘ōu‘anga kia mātou, i te tangta i roto i to‘ou ngutu‘are, te tutaki no te board payments, e tutaki‘ia ana koe.

Ka ‘ākara mātou, me e ma‘ata te tutaki no te board payments

Me kāre ta‘au boarder e ko‘i ana i te housing subsidy no konei ‘ia mātou, ka ‘ākara mātou i reira, me te tano ra ta‘au i ‘akakite mai no te board, ki ta te boarder i ‘akakite mai, e tutaki ana rātou.

Me kāre te tutaki‘anga ‘ē ‘āiteite ana, ka ‘ārāvei atu pa‘a mātou iā koe, e te boarder, i te ‘akapāpu i te tutaki.

Me te tutaki board ra koe, e me tauī te board e tutaki ana koe no runga i ta mātou ‘akatanotano‘anga, ka tutuki pa‘a te reira i ta‘au housing subsidy.

Ka ‘akakite atu mātou i ta‘au ka tutaki, i te ‘akamata‘anga o te mata‘iti e tu mai nei.

Me te ‘āriki ra koe i te board payments, ka ‘ākara mātou i ta‘au payments, e ka ‘akakite atu mātou i roto i nga marama Tiānuare/Peperuare, i te mata‘iti 2026, i ta‘au tutaki ‘ōu (me te tauī‘ia ra).

Kāre ta‘au au tutaki e taui, kia tae roa ki roto i te marama Māti, i te mata‘iti 2026.

Ka ma‘ani mātou i te au tauī‘anga o te au tutaki‘anga mei te marama Māti, i te mata‘iti 2026

Me te ‘ariki ra koe i te board payments:

• ka topa mai pa‘a ta‘au tutaki no ta‘au housing subsidy. Me ka pērā, ka ‘akamata i reira, mei te ra o 2 Māti, i te mata‘īti 2026.
• ka kake  pa‘a ta‘au ka tutaki no te Income Related Rent. Me ka pērā, ka ‘akamata i reira, i muri ake i te ra 2 o Māti, i te mata‘īti 2026, mei te tuātau o to‘ou annual rent review, me kore ra, me e tauī‘anga teta‘i i roto i to‘ou ora‘anga.

‘Ea‘a mātou e ma‘ani nei i teia au tauī‘anga

Kua ‘akakite‘ia mai teia tauī‘anga ki roto i te Budget 2024. Ka ‘akatopa mai teia i te ‘irinaki‘anga i te MSD, i te tutaki‘anga ‘aka‘ōu no taua accommodation costs. Teia i reira te ‘ākara‘anga, te ko‘i nei te tenant (me kore ra, te ‘ona kainga) e te boarder i teta‘i housing subsidy no te accommodation costs. 

Te ‘akakoro katoa nei teia, i te ‘akatanotano i te taukore o te ‘ākono‘anga i rotopu i te au renters e te au boarders, me kimikimi mātou i te ka rauka iā koe no te housing subsidies , e ta‘au tāra‘u ka tutaki, me te no‘o nei koe ki roto i te public housing.  

Te au ‘akakitekite‘anga no runga i teia au tauī‘anga

‘Iki‘ia te tumu manako tau i raro ake nei, no runga i te au ‘akakitekite‘anga, no runga i te au tauī‘nga.

Housing subsidies

Me ‘akatanotano mātou i te housing subsidies, ko teta‘i ‘apinga e ‘ākara ana mātou, koia ‘oki, me te ko‘i ra koe i teta‘i ‘ua atu board payments.

I teia ‘ati‘anga, e tāru anake ana mātou i te board payments, mei ko i teta‘i 3, me kore ra, e tere atu te tārē‘anga boarders, i roto i te ‘akatanotano‘anga (māri ‘ua, me ko ta‘au anake ia moni-‘anga‘anga).

Mei te ra 2 o Māti, i te mata‘iti 2026, ka tāru mātou i teta‘i 62% o te katoa‘anga o te board payments ki roto i te ‘akatanotano‘anga (kāre teta‘i ake 38% e tāru‘ia ki roto, i te mea e, ka tau te reira no te kai, e teta‘i atu turanga tauturu). Ka topa mai pa‘a ta‘au housing subsidy, i te mea e te tutaki ra te au board payments kātoatoa, i teta‘i o ta‘au accommodation costs.

Tei roto i te housing subsidies:

• Accommodation Supplement
• Temporary Additional Support
• Special Benefit
• Accommodation Benefit no te au tauira e metua anake (sole parents), e te
• Away from Home Allowance.

Teia te ‘ākara‘anga

Te tutaki nei a Kingi i teta‘i $600.00 i te ‘epetoma no te tāra‘u. E 2 ana boarders, te tutaki nei kiā ia, teta‘i $150.00, e teta‘i $200.00 i te ‘epetoma.

I teia ‘ati‘anga, kāre mātou e tāru i nga 2 board payments, i roto i te vāito‘anga i tōna accommodation costs. Ko te ‘āite‘anga i teia i reira, te tutaki nei ‘aia i teta‘i $600.00 accommodation costs.

Mei te ra 2 o Māti, i te mata‘iti 2026, ka tāmanako mātou i te au board payments kātoatoa.

• Ka kāpiti mātou i te au board payments pouroa ($150.00 + $200.00 = $350.00).
• Ka ‘akatanotano mātou i teta‘i 62% o te katoa‘anga o te board payment, koia ‘oki, te $217.00.
• Ka ‘akatopa mai mātou i te accommodation costs, mei teia ($600.00 kiriti i te $217.00, e $383.00).
• Ka tutaki i reira a Kingi, i teta‘i $383.00 i te ‘epetoma, no te accommodation costs.
• I te mea e kua topa mai te accommodation costs a Kingi, mei te $600.00 ki te $383.00, ka topa mai rāi pa‘a tāna housing subsidy.

Te ‘akatanotano‘anga i te Income Related Rent

I roto i te ‘akatanotano‘anga i ta‘au Income Related Rent (IRR), ka kimikimi mātou i ta‘au moni e ‘aere mai ana ki roto i to‘ou ngutu‘are, i te au ‘epetoma tātakita‘i. I teia ‘ati‘anga, e tāmanako ana mātou i te board payments anake, ei moni ‘anga‘anga, me:

• ko te rāvenga ma‘ata teia o ta‘au moni ‘anga‘anga (ka ta‘anga‘anga mātou i te katoa‘anga o te moni e rauka ana iā koe i te au ‘epetoma tātakita‘i, ei weekly income na‘au), me kore ra,
• te tutaki‘ia nei koe, e teta‘i 3, me kore ra, kua tere atu, boarders (kāre mātou e tāru atu i nga highest board payments e 2, e, ka ta‘anga‘anga i teta‘i 62% anake, i te tāru ki roto i te katoa‘anga o ta‘au weekly income).

Te ‘akatanotano‘anga i ta‘au rent payments

Mei te ra 2 o Māti, i te mata‘iti 2026, ka tāru atu mātou, i teta‘i 62% o te katoa‘anga o te board payments, e tutaki‘ia nei koe, ma te tāru atu i te reira, ki roto i te ‘akatanotano‘anga i te moni ka anoano te IRR kia tutaki koe. Ko te ‘āite‘anga i teia i reira, ka ma‘ata atu pa‘a ta‘au ka tutaki no te IRR.

Me ka ma‘ata atu te tutaki i te IRR ta mātou i ‘akatanotano na‘au, i te actual market rent price no te kainga, ka tutaki ‘ua rāi koe i te market rent.

Ka ‘akamata teta‘i ‘ua atu tauī‘anga ki ta‘au Income Related Rent, i muri ake i te ra 2 o Māti, i te mata‘iti 2026, mei te:

• rave‘ia‘anga to‘ou annual rent review e tu mai nei, me kore ra,
• me tauī to‘ou turanga.

Teia te ‘ākara‘anga, mei te ra 2 o Māti, i te mata‘iti 2026

Te no‘o nei a Vanessa ki roto i te public housing e te tutaki nei i te IRR, e $400.00 i te ‘epetoma. E 2 ana boarders, te tutaki nei e $150.00, e ta teta‘i, e $250.00 i te ‘epetoma.

No reira, mei te ra 2 o Māti, ka:

• ka kāpipiti katoa `ia te au board payments  ($150.00 + $250.00 = $400.00), e ka
• `akatanotano`ia teta`i 62% o te katota`ana o te board payment, ki te $248.00.

Ka tāru atu mātou i reira, i teia moni ki roto i te ‘akatanotano‘anga i tāna Income Related Rent. Ko te ‘āite‘anga i teia i reira, ka kake te IRR mei te $400.00 ki te $648.00.

Me ka ma‘ata atu te tutaki i te IRR, i te market rent price no te kaīnga, ka tutaki anake ‘aia i te market rent.

Me tārē‘ia ta‘au au board payments, ei moni ‘anga‘anga

I teta‘i taime, ka tārē‘ia ta‘au au board payments e ko‘i ra koe, ei moni ‘anga‘anga i roto i te ma‘ata‘anga o te tutaki no konei atu ‘ia mātou.

I te mea pa‘a e, e ma‘ata atu i te 62% o te katoa‘anga o te board e ko‘i ra koe, i to‘ou accommodation costs. No te reira, ka tārē‘ia te moni tei tere atu, ei moni ‘anga‘anga, no te ma‘ata‘anga o te tutaki no konei atu ‘ia mātou, māri ‘ua me te no‘o ra koe ki roto i te public housing.

Me te no‘o ra koe ki roto i te public housing, ka ‘akara mātou me e ma‘ata atu i te 62% te katoa‘anga o te moni board e ko‘i ra koe i te market rent price no te kainga. No te reira, ka tārē‘ia te moni tei tere atu, ei moni ‘anga‘anga, no te ma‘ata‘anga o te tutaki no konei atu ‘ia mātou.

Teia te ‘ākara‘anga - kāre e no‘o ana ki roto i te public housing

‘Ē $300.00 i te ‘epetoma to‘ou accommodation. ‘Ē 2 a‘au boarders,e, e $600.00 i te ‘epetoma, te katoa‘anga o te board payment e ko‘i ana koe,  i te `epetoma. ‘E $372.00, te 62% o te board payment e ko‘i ra koe. ‘Ē $72.00 te moni tei tere atu.

Ko te ‘aite‘anga i teia i reira, ka tārē‘ia te $72.00 ei moni ‘anga‘anga, no te ma‘ata‘anga o te tutaki no konei atu ‘ia mātou. i

Teia te ‘ākara‘anga - e no‘o ana ki roto i te public housing

Te no‘o nei koe ki roto i te public housing, e, ko teta‘i $500.00 i te ‘epetoma, te market rent no to‘ou kainga. ‘Ē 3 a‘au boarders,e, e $900.00 i te ‘epetoma, te katoa‘anga o te board payment e ko‘i ana koe,  a week. ‘E $558.00, te 62% o te board payment e ko‘i ra koe. ‘Ē $58.00 te moni tei tere atu.

Ko te ‘aite‘anga i teia i reira, ka tārē‘ia te $58.00 ei moni ‘anga‘anga, no te ma‘ata‘anga o te tutaki no konei atu ‘ia mātou.