E faapefea ona matou fesoasoani ia te oe
Read or listen in Samoan about how we can help you, and find out how to speak with someone in Samoan.
Talanoa mai i le gagana Samoa
Open transcript
Afai o loo e fia faafesootai mai le ofisa, vili le 0800 559 009 poo le 0800 552 002 pe afai ua sili atu ma le 65 tausaga le matua o lou soifua. Afai e te fia talanoa mai i le gagana Samoa vili le 0800 663 003. E leai se tupe e totogi mo lea auaunaga.
E mafai ona oulua omai ma se tagata e fesoasoani i lau mataupu, pe a oo i le taimi tatou te feiloai ai.
E faapefea ona matou fesoasoani ia te oe
Open transcript
E silia ma le miliona le aofai o tagata o loo fesoasoani iai sui a le Malo o Niu Sila, le Work and Income.
E ono maua se fesoasoani mo oe pe afai e leai sau galuega ae o loo e moomia se tupe e te ola ai. Poo se tupe e fesoasoani mo le totogiina o au pili, e ui o loo e faigaluega. E mafai foi ona matou fesoasoani atu pe afai o loo iai nisi mea o loo faaaoga iai tupe ona o le le lava o le malosi. O loo maua le supa mo tagata ua 65 tausaga ma luga atu le matutua.
Faamolemole talanoa mai pe afai o loo e moomia se fesoasoani i le tulaga tau fale. O le a mafai ona tatou faasoa i auala e mafai ona fesoasoani mo le sailia o se fale e mafanafana, saogalemu, mago ma malupuipuia mo oe.
E mafai foi ona matou fesoasoani e sue sau galuega.
O loo iai faamatalaga i le website a le Work and Income o loo faailoa ai auala e mafai ona matou fesoasoani atu ai ma le faatinoga o lau talosaga.
O le toatele o tagata, e sili atu ona faigofie le faaoo mai o le talosaga e faaaoga ai le MyMSD. E tele isi mea e mafai ona e faaaoga ai le MyMSD e pei o le atofaina o se aso e vaai ai le ofisa, ma siaki ai tulaga o le tupe o loo e mauaina. Silasila i le website MyMSD.
Matou te mananao ia lelei le auaunaga o loo fai mo oe. O loo faamatala i le matou website auaunaga e mafai ona matou fesoasoani atu ai. O loo faailoa atu foi ma le faiga e mafai ona faailoa ai sou manatu, poo sau faasea pe afai ua le faamalieina oe i se auaunaga poo se faaiuga ua matou faia.
Afai e le o faigofie le tulaga o loo e iai, poo lou aiga poo le leai foi o se mea e te nofo ai, faamolemole faafesootai mai le ofisa. E mafai ona matou faafesootai se isi faalapotopotoga, pe afai e le mafai ona matou fesoasoani.
Manatua e mafai ona fesoasoani le Work and Income mo oe ma lou aiga pe a moomia.